افلام رومانسية تاخذك لعالم الحب ولا تنسى | مونوس بلوجر

مشترياتي من الصيدلية الاسترالية | مدونة مونوس 

مرحبا اصدقائي ! 

اليوم حابة اشارككم تجربتي من الطلب من الصيدلية الاسترالية . 

الاسعار جدا ارخص من صيدلياتنا واشجع على الشراء من صيدليات الخارج لان التوفير جدا كبير .

التوصيل استغرق اسبوع على البريد السعودي ، ووصلت الطلبية كاملة و مغلفة وبصورة ممتازة 

حبداء بمشرياتي : 

١- مرطب كيوفي:

افضل كريم لترطيب البشرة الجافة جدا ، منجججد يرطب من قلب و من محتوياته الجلسرين لزيادة الترطيب 

انا استخدمه مع كورس تقشير الوجه وجدا مناسبني 

واحط فوقه واقي الشمس لمن اخرج برا.

٢- كريم مرطب كيوفي بحجم ١٠٠ غرام : 

هذا نفس المرطب اللي فوق لكن بحجم اصغر ، لو مسافرة او طالعة من البيت اخذه معاي. 

٣- غسول البشرة كيوفي:

غسول لطيف على البشرة و قوامه كريمي ، مخصص للبشرة الجافة و الحساسة و الاكزيما ، ومن محتوياته الجلسرين فهذا يساعد على الترطيب ،

انا استخدمه مع كورس تقشير الوجه وجدا مناسبني، واغسل فيه جسمي لمن احس انو جسمي  ناشف . 

٤- كريم لترطيب الوجه مع حماية لشمس: 

ممتاز جدا لدوام و الجامعة والخرجات ويختصر وقت لانو ٢ في ١ 

٥- مرطب الشفايف من كيوفي: 

مرطب شفايف مع حماية من الشمس ، ما سمعت عليه مدح بس اخذتو لتجربة وتقيمي له ٨ من ١٠ ، حلو لانو فيه حماية من الشمس وترطيبه جميل ، لاكن مو اروع شي كترطيب 

٦- مرطب الشفايف من carmex : 

هذا المرطب جميل جدا ويرطب من قلب ، ومن افضل مرطبات الشفايف اللي جربتها وانصصح فيه وبقوية ، اول ما تحطيه يعمل لسعة في الشفايف كانو فيه نعناع وبعدين يروح

وهذه كانت مشرياتي البسيطة اتمنى تكونو استمتعتو بالموضوع .